Воска спорт се зацврсти на врвот на табелата во Втората фудбалска лига откако во 24. коло триумфираше убедливо со 0-4 на гости против Тетекс. Сега Воска Спорт има три бода предност пред Вардар на врвот и четири бода пред третопласираниот Гостивар.
Иљаз Чилафи и Аљбин Рамадани, Ален Јашароски и Ујкан Муча беа стрелци на головите за тимот на Воска.
Пелистер со убедливи 4-0 го победи Борец, а Слога Виница со 2-3 триумфираше на гостувањето против Беласица. Спиркоски беше стрелец на хет-трик за „пелистерци“, а стрелаше и Љамчевски.
Арсими ја победи Каменица Саса со 2-1, а Детонит и Караорман одиграа натпревар без голови. Охрид и Локомотива одиграа 1-1, додека Кожуф ја совлада Беса со 2-0.
Вчера, Вардар и Гостивар во Скопје одиграа 0-0.
