Победа Прилеп е нов прволигаш и во последното коло ќе оди растоварено на гости во Виница. До пред две кола се сметаше дека тоа ќе биде битка за првото место, но Слога потклекна во завршницата и со поразот во Струмица ја остави Беласица во пол-позиција за баражот.
Тимот на Александар Стојанов во денешното последно коло од Втората лига Исток патува во Гевгелија на дуел со Кожуф и сам решава за својата судбина. Со триумф, Беласица ќе го обезбеди второто место и ќе игра бараж за пласман во елитата.
Пехчево ќе ја пречека Локомотива, Осогови оди на гости кај Братство, а Детонит Јуниор ќе биде домаќин на Каменица Саса.
