Брегалница беше поуспешна од Беласица со 0-1 во дербито на Истокот. На стадионот „Благој Истатов“ во Струмица, штипјани славеа со голот на Зоран Ивановски во 33.минута од натпреварот.
Лидерката позиција во Втората фудбалска лига и понатаму ја чува Македонија ЃП која со 5-0 го декласира Вардар Неготино во Ѓорче Петров. Хет-трик постигна Симеон Христов.
Башкими го одржува чекорот со врвот со триумфот од 1-0 против Кожуф, а Арсими со идентичен резултат славеше против Борец.
Детонит Плачковица триумфираше со 1-3 на гостувањето во Охрид, а Скопје со 0-2 ја победи прилепска Победа.
Каменица Саса беше убедлива против Вардарски со 5-1, а Новаци го декласира Осогово со 5-0.
