Влатко Стојановски успешно опериран

Напаѓачот на Работнички, Влатко Стојановски, успешно е опериран во Градската општа болница „8 Септември“ во Скопје. Тој ја скина Ахиловата тетива на мечот против Вардар и веднаш беше јасно дека му претстои подолга пауза од терените.

„Хируршкиот зафат успешно го изведе д-р Несторовски“, информираат од Работнички. Клубот му посака брзо заздравување и враќање на фудбалските терени.