Србија не успеа да ја победи Данска (0-0) во Лесковац, но Душан Влаховиќ одигра добар натпревар, иако не постигна гол. Имаше неколку одлични шанси, но топката не сакаше во голот.
„Многу ми е жал што не победивме. Сметам дека ова е наш најдобар натпревар во последните две години. Останува голема тага, но сакам да им честитам на тимот за извонредниот однос и играта против историски тежок противник за Србија. Имавме шанси да се пласираме во првиот шешир, но топката не влезе во голо. Сигурно има причини за тоа, но така е како што е. Мислам дека ова е вистинскиот пат и дека одигравме квалитетен натпревар. Треба да продолжиме вака“, изјави Влаховиќ.
Напаѓачот се пожали на повреда пред да биде заменет.
„Почувствував болка во задната ложа и морав да побарам замена. Не го одиграв натпреварот до крај, иако многу сакав. Во Торино ќе направам комплетни прегледи“, истакна напаѓачот на Јувентус.
„Најубаво е дома, кога можеш да ја почувствуваш љубовта на својот народ. По овој натпревар можеме да си одиме со кренати глави. Знам дека го дадовме својот максимум. Бевме многу опасни, секојпат кога топката преминуваше на противничката половина, беше закана за нивниот гол, но не успеавме да победиме. И нивниот голман имаше одлични интервенции, честитки за тоа. Беше прекрасно да се игра во Лесковац“, заврши Влаховиќ.
