Каталонскиот гигант Барселона денеска го потврди продолжувањето на договорот со холандскиот ас Френки де Јонг, кој ќе остане на „Камп Ноу“ најмалку до 2029 година.
Де Јонг, кој има 28 години, минатата сезона беше еден од најважните фудбалери во освојувањето на двојната круна, а клубот ја награди неговата посветеност со нов, долгорочен договор.
Шпанските медиуми пренесуваат дека во договорот е вклучена и висока откупна клаузула од 500 милиони евра, што ја нагласува довербата на Барселона во својот играч.
Френки де Јонг пристигна во клубот во 2019 година од Ајакс за сума од 75 милиони евра, а досега одигра 183 натпревари и постигна 14 погодоци во дресот на каталонскиот гигант.
