Јувентус немаше проблеми против Сасуоло и го победи со 3-0 на дуелот во Торино. Блескаше Душан Влаховиќ кој беше двоен стрелец за „старата дама“ и го трасираше патот на својот тим до триумфот.
Српскиот напаѓач погоди во 15.минута за водство, а потоа уште еднаш ја затресе мрежата на Сасуоло во 37.минута.
Во финишот, Федерико Киеза го потврди убедливиот триумф со трет погодок.
Јувентус сега повторно има два бода негатива во однос на лидерот Интер и ја продолжува трката за „скудетото“.
