Неверојатно возбудлив старт на Бундес-лигата. Шампионот Баер Леверкузен во шокантен натпревар победи со 2-3 на гости кај Борусија Менхенгладбах, а погодокот за триумф го постигна Флоријан Вирц од пенал во 101.минута.
По прегледување на ВАР-снимката беше покажан удар од белата точка, голманот на домашните Јонас Омлин го одбрани ударот на Вирц, но тој од втор обид ја затресе мрежата.
Џака и Вирц во првото полувреме донесоа предност од 0-2 за Баер Леверкузен, а Борусија Менхенгладбах израмни со головите на Елведи и на Клиндинст. На крајот, сепак, шампионот освои три бода.
