Винченцо Монтела нов тренер на Адана

Италијанскиот фудбалски стратег Винченцо Монтела е новиот тренер на турскиот прволигаш Адана Демирспор. Клубот од Адана вели дека е потпишан двегодишен договор со 47-годишниот Монтела.

„Потпишан е двегодишен договор со тренерот Винченцо Монтела, кој претходно беше тренер на Фиорентина, Севилја, Милан, Сампдорија и Рома“, се вели во соопштението на Адана.

Турскиот прволигаш ја прекина соработката со турскиот тренер Самет Ајбаб, откако клубот не успеа да победи во првите три кола од шампионатот.