Виктор Велкоски потпиша за албанскиот Лачи

Одбранбениот фудбалер Виктор Велкоски ја продолжува кариерата во Албанија. Тој потпиша договор со албанскиот клуб Лачи.

Велкоски минатата сезона беше дел од Вардар, а сега реши во финишот на преодниот рок да ја прифати понудата за да настапува во првенството на Албанија.

Централниот дефанзивец досега во кариерата има настапувано и за Работнички, Пелистер, Скопје и за Победа, а има искуство и од Грција, во дресот на Егиниакос.