Галатасарај и Манчестер Јунајтед за два часа треба да го стартуваат натпреварот од Лигата на шампионите, но почетокот на мечот е апсолутно неизвесен. Причина е поројниот дожд во Истанбул поради што теренот е речиси поплавен.
Инспекциските служби на УЕФА сѐ уште ја тестираат можноста за играње, меѓутоа евидентно е дека на одредени делови од теренот има премногу вода.
Турските медиуми објавија видео и од натпреварот меѓу младинските тимови на Галатасарај и на Манчестер Јунајтед (У19) каде топката едвај се движи или застанува поради премногу вода на теренот.
