Играчот од средниот ред на Интер, Артуро Видал, откри дека имал шанси претходно да премине во клуб од Премиер – лигата, но истакна дека таа опција е сè уште во игра. Еден ден откако Антонио Конте беше прогласен за нов тренер на Тотенхем, Видал беше запрашан на социјалните мрежи дали може да се замисли себеси во Англија во иднина.
Конте го донесе чилеанскиот репрезентативец во Интер од Барселона на слободен трансфер, а Видал сега навести дека може да биде отворен за повторно обединување со Италијанецот во Лондон. Ѕвездата на “нероаѕурите“ разговараше со своите следбеници на Инстаграм и откри дека и претходно имал шанси да се пресели во Премиер – лигата.
„Имав шанси претходно, но на крајот ништо не се случи. Но, сè уште има време. Ќе видиме како ќе помине оваа сезона, што ќе се случи и каква ќе биде мојата иднина. Но, оваа сезона, сакам да дадам се и да се борам за Интер,” рече 34-годишниот фудбалер на социјалните мрежи.
