Вест Хем му го нанесе вториот пораз (3-2) на Челси оваа сезона во Премиер – лигата. Во неверојатно драматичен меч на Олимпискиот стадион во Лондон, тимот на Дејвид Мојес уште еднаш покажа дека има голем квалитет и може да им ги наруши плановите и на најдобрите.
Тијаго Силва во 28.минута донесе водство за Челси, но израмни Ланзини од пенал во 40. минута. Сепак, само четири минути подоцна Мејсон Маунт обезбеди предност за гостите на одморот.
Во вториот дел, Вест Хем направи комплетен пресврт. Џерод Боувен во 56.минута израмни на 2-2,а победничкиот гол беше дело на Артур Масуаку во 87.минута од дуелот.
