Верона оствари голем триумф (3-2) против Рома и ја зголеми мизеријата на „волчицата“ која има три порази на последните четири натпревари. Ова веројатно ќе значи и разделба со тренерот Иван Јуриќ, кој дојде да ја спасува ситуацијата и очигледно не успеа.
Тенгстет ја доведе Верона во водство, но израмни Суле. Сепак, домаќинот со голот на Мањани во 34.минута стигна до нова предност пред полувремето.
Довбик во 53.минута вторпат го израмни резултатот и така беше сѐ до финишот од мечот. Абду Херуи во 88.минута од натпреварот постигна трет гол за Верона и донесе важен триумф.
