Тимо Вернер нема во план да си замине од Челси по тешката прва сезона. 25-годишникот има постигнато само два гола во Премиер – лигата од 7 ноември до денес, додека вкупниот број на погодоци што ги постигнал се 10 на 39 натпревари.
И покрај тоа, тој останува уверен дека ќе му се насмевне среќата на „Стемфорд Бриџ“ и затоа нема да побара трансфер ова лето.
Претходно, англиските медиуми објавија дека “сините” би размислувале да го продадат германскиот напаѓач само доколку им се овозможи вистинска шанса за Ерлинг Халанд, но тие и онака не се гледаат како фаворити во таа трка.
