Александар Васоски се збогува со Академија Пандев, а и клубот му заблагодари за досегашната успешна соработка. Македонскиот стратег ќе биде нов тренер на босанскиот прволигаш Сараево.
„Огромна благодарност до фудбалерите, моите соработници и управата на Академија Пандев за прекрасната соработка во изминатата година. Огромно благодарам до нашата фудбалска икона Горан Пандев кој ни овозможи одлични услови за работа. На Академија Пандев и посакувам да ги остварите своите цели за оваа сезона. Клубот и градот Струмица вечно ќе бидат во моето срце!!! Благодарам!“, напиша Васоски на социјалните мрежи.
