Вардарци со минута молк искажаа почит за загинатите во скопскиот земјотрес (ВИДЕО)

Најтрофејниот македонски клуб Вардар го прекина за момент денешниот претпладневен тренинг и со минута молчење фудбалерите и стручниот штаб оддадоа почит за настраданите во страшниот земјотрес кој го погоди градот Скопје пред точно 60 години.

Денес се навршуваат 60 години од разорниот земјотрес на главниот град на Македонија. Овој ден е длабоко врежан во колективната меморија на сите скопјани и Македонци.