Тиквеш загуби од Кожув на домашен терен, а нервозата на трибините прерасна и во вандализам. Во текот на ноќта исечени се стативите на Градскиот стадион во Кавадарци. Случајот е пријавен во полиција и отпочната е истрага за да се пронајдат сторителите.
Тиквеш е еден од најдобро организираните клубови во второлигашката конкуренција, но очигледно дека има и голема опозиција и навивачи кои не му мислат добро на клубот. Претседателот Масларков и тренерот Димитковски понудија оставки по поразот, но раководството на клубот не ги прифати и тие ќе продолжат со работа.
