Реал Мадрид официјално го објави новиот долгорочен договор на својот играч за врска Федерико Валверде, кој е со важност до летото 2029 година.
Уругвајскиот интернационалец ги следеше соиграчите Винисиус Жуниор, Родриго и Едуардо Камавинга, кои во последните две недели исто така ги обновија договорите со клубот за идните години. Очекувано, новата откупна клаузула на 25-годишниот играч за врска изнесува импресивна милијарда евра.
Валверде пристигна во Реал Мадрид во летото 2016 година, кога „кралевите“ за него платија само 5 милиони евра на Пењарол. Потоа, фудбалерот играше една сезона, прво во Б-тимот, а потоа и во Депортиво Ла Коруња. Во сезоната 2018/19 тој се проби во првиот тим на Реал Мадрид и оттогаш одигра вкупно 220 натпревари со 19 голови и 18 асистенции, освојувајќи девет трофеи.
