Поранешниот тренер на Интер и на Наполи, Валтер Мацари, наскоро треба да се врати на клупата на еден од италијанските прволигаши. Медиумите на Апенините пренесуваат дека искусниот стручњак се договорил за соработка со Калјари, кој му понудил двегодишен договор вреден два милиони евра по сезона, вклучувајќи бонуси.
Мацари следниот месец ќе наполни 60 години, а неговиот последен тренерски ангажман беше во Торино, кој го замени во февруари 2020 година.
Калјари реагираше по поразот на домашен терен од Џенова и го замени Леонардо Семпличи, па се очекува Мацари да го раздрма тимот следниот викенд против Лацио.
