Валон Етеми: Дебито за Македонија, одличен крај на сезоната за мене

Валон Етеми дебитираше за фудбалската репрезентација на Македонија на дуелот против Гибралтар (4-0). По одличната сезона со турскиот Истанбулспор, Етеми ја заокружи сезоната и со триумф и деби за Македонија.

„Победивме убедливо и тоа е најважно. Задоволен сум од моето деби за Македонија. Ова навистина е круна на одличната сезона за мене. Со Истанбулспор се изборивме за пласман во Суперлигата на Турција. Верувам дека и во иднина ќе имаме успеси и ќе ја радуваме публиката“, изјави Валон Етеми.