Валенсија размислува да го врати македонскиот репрезентативец Енис Барди во Ла Лига. Тој во минатото беше член на градскиот ривал Леванте, а сега би можел да заигра на „Месталја“.
Енис Барди има договор со Трабзонспор до јуни 2025 година, а за него постои интерес и од Џирона и од Осасуна.
Според турските медиуми, Валенсија испратила официјална понуда до Трабзонспор да го добие Барди на позајмица за претстојната сезона. Турскиот клуб многу повеќе би сакал комплетно да го продаде Барди, но, сепак, не се отфрла можноста двата клуба да постигнат договор и за позајмица.
