Квича Кварацкелија, најдобриот фудбалер на Грузија, нема да му биде на располагање утре на селекторот Владимир Вајс во битката за ЕП против Македонија откако доби позитивен тест на коронавирус. Тој и Шенгелија нема да можат да помогнат, а тоа е разочарувачки фактор за селекторот Вајс.
„Утре е голем ден за грузискиот фудбал. Сите сакаме да ја израдуваме Грузија и да славиме пласман на Европско првенство. Но, не очекува тежок натпревар во кој нема да бидеме комплетни. И што е уште полошо, најголем противник е коронавирусот. Тоа го кажав и пред еден месец, еве сега се потврди. Македонија има квалитетен тим, но ќе видиме што ќе смислат за утре. Првиот пат играа со четворица дефанзивци, вториор дури со петмина. Подготвени сме за надигрување, утре некој ќе мора да биде победник, а некој да загуби. Ќе дадеме се од себе за ние на крајот да се радуваме“, изјави Владимир Вајс, селекторот на Грузија.
