Шкупи гостува на Силекс во Кратово во денешниот натпревар од 19. коло во ПМФЛ (14 ч.), на стартот од пролетната сезона во елитниот шампионат.
Каран во пресрет на гостувањето во Кратово потенцира дека Македонија има квалитетни тимови, има и квалитетни фудбалери но сериозен проблем за фудбалот е лошата инфраструктура. Така ќе биде и во Кратово каде терено е тежок за игра.
„Не е воопшто спорно дека во Македонија има огромен фудбалски потенцијал и одлични фудбалери, но сериозен проблем е инфраструктурата, како и лошата работа во одредени клубови со младите категории. Клубови има навистина добри како Шкендија и Вардар, тука се и Работнички но и Академија Пандев која силно вложува. Верувам дека ќе биде интересна пролетна сезона во Македонија. Нас на стартот не чека тежок дуел со Силекс во Кратово каде секогаш е тешко да се игра но интенцијата секако е да дојдеме до бодови“ – вели Умут Каран.
