Европската куќа на фудбалот (УЕФА) подготвува финансиски противудар за Европската Суперлига која е во зародиш, а ја формираат 12 клуба од Англија, Шпанија и од Италија. Манчестер Јунајтед, Ливерпул, Челси, Манчестер Сити, Арсенал, Тотенхем, Реал Мадрид, Барселона, Атлетико Мадрид, Јувентус, Милан и Интер се оснивачите на Суперлигата, зад која стои американската инвеситициска банка „Џи Пи Морган“ со 6 милијарди евра капитал. Тие планираат од следната сезона да ја напуштат Лигата на шампионите за да играат во сопствено натпреварување и како главна причина ја наведуваат заработувачката.
Сепак, УЕФА подготвува противудар и во напредокот на реформираната Лига на шампиони ќе инвестира околу 7 милијарди евра. Британски инвестициски фонд ќе застане со 4,5 милијарди евра зад УЕФА, а оваа сума би можела да се зголеми и до 7 милијарди евра.
УЕФА и ФИФА им порачаа на клубовите „одметници“ дека ќе ги сносат сите последици доколку одлучат да отстапат и да формираат Суперлига.
