Македонскиот првак Шкупи доби парчина казна од УЕФА. Клубот од Чаир ќе мора да плати 44.000 евра поради недолично однесување на навивачите, користење на пиротехнички средства, како и скандирање политички пароли.
„Шкупи секогаш ја цени поддршката на фановите и ќе продолжи така, но понекогаш сцените на трибините се непосакувани. Поради дејствијата на некои неодговорни навивачи на натпреварите во Европа, клубот е казнет од УЕФА со 44.000 евра“, стои во клупското соопштение.
Шкупи ги повика своите навивачи да не повторат слично однесување во иднина.
