Напаѓачот на Манчестер Сити, Ерлинг Халанд, се приклучи на тренинзите на тимот откако се опорави од повредата. Тој учествуваше во вчерашната активност на „граѓаните“, објави клубот на социјалните мрежи на клубот.
Норвежанецот, кој има 19 гола оваа сезона во сите натпреварувања, беше надвор од теренот откако го повреди стапалото при поразот на неговата екипа од Астон Вила на 6 декември.
Со тимот веќе тренира и Белгиецот Џереми Доку, кој пропушти осум натпревари на тимот поради повреда на мускулот.
Блиску до враќање во тимот на „граѓаните“ е и Кевин де Бруин.
