Фудбалерот на Фиорентина, Моисе Кин, беше отпуштен од болница откако вчера заработи повреда на главата за време на натпреварот против Верона.
Лекарите му дозволија во текот на ноќта да ја напушти болницата во Верона и да се врати во Фиренца. Сите медицински тестови биле негативни, а единствено ќе му остане лузна, се наведува во извештајот.
Неговиот тим ќе игра против Лече во петок, но Кин ќе одмора некое време како мерка на претпазливост.
Фиорентина во краток период се соочи со два сериозни здравствени проблеми. Прво колабираше Едуардо Бове против Интер, а сега се случи и ситуацијата со Моисе Кин… За среќа, двата случаи завршија со позитивен исход.
