Францускиот ас Карим Бензема не е сериозно повреден. Тој предвреме го напушти натпреварот против Елче во Ла Лига (2-2) и фановите стравуваа дека се работи за повреда која подолго би можела да го оддалечи од теренот.
За среќа на фудбалерот и на „кралскиот клуб“, повредата на Бензема не е сериозна и тој би можел да биде подготвен за враќање веќе на следниот натпревар против Атлетик Билбао. На 15.февруари Реал Мадрид го игра и првиот осминафинален дуел од Лигата на шампионите против Пари Сен Жермен.
