Долгорочно повредениот играч од средниот ред на Ливерпул, Тиjаго Алкантара, е блиску до враќање на терените. Шпанецот нема одиграно ниту една минута за „црвените“ оваа сезона, откако заработи повреда на крајот од минатата сезона и неговото закрепнување не одеше според планираното.
Тиjаго објави слика на социјалните мрежи на која се гледа дека се враќа во тренинг базата на Ливерпул во Киркби.
Враќањето на Тиjаго во тренажниот процес е одлична вест за Јирген Клоп, во чиј состав се наталожија доста слични проблеми. Ова важи пред сѐ за Жоел Матип и Алексис Мекалистер, а за првиот, сезоната е веќе завршена.
