Македонскиот прволигаш Воска Спорт ќе има нов тренер во пролетниот дел од сезоната. По промената на раководството, од тренерската позиција заминува Сеит Крека, а за нов шеф на стручниот штаб е именуван Турчинот Сафет Ислер.
Тој има 63 години и последен пат бил на кормилото на турскиот клуб Ван Спор. Претходно работел и со младинскиот тим на Бешикташ до 19 години.
Воска Спорт во вториот дел од сезоната ќе има и ново раководство предводено од турски спонзор, а ќе остане да настапува во Охрид, демантирајќи ги информациите за можна преселба во Гостивар.
Воска доведе и три нови засилувања досега оваа зима, Филип Валенчиќ, Туре Сиира и Оива Лааксонен.
