
Баерн Минхен е на пат да ја запишe својата прва сезона без трофеј од сезоната 2011/2012, кога исто така испаднаа рано од Лигата на шампионите и од Купот на Германија, а во Бундеслигата завршија со осум бода негатива во однос на шампионот.
Баварците им приредија нов шок на навивачите откако загубија од Мајнц на гости со 3-1, па сега Борусија Дортмунд е на врвот на табелата со бод предност, а на пет кола до крајот на шампионатот во Бундес-лигата.
Тренерот Томас Тухел вели дека неговиот тим немал енергија да реагира по примениот гол за израмнување на Мајнц.
„Натпреварот против Мајнц беше под контрола, но не постигнавме втор гол. Израмнувачкиот гол дојде од никаде и тогаш немавме енергија да реагираме. Да примиш три гола за 12 минути, тоа не смее да ни случува. Направивме многу грешки. Ни недостигаше ефикасност. Проблемите се очигледни“, изјави Тухел за „Скај Германија“.

-
МАКФУДБАЛ ТИМ НА КОЛОТО ВО ПРВАТА ЛИГА
Арсими дојде во Тетово и ја сопре Шкендија, а Силекс и Струга ТЛ се...
Автор makfudbal
-
МАКФУДБАЛ ИГРАЧ на колото: Филип Алексовски (Башкими)
Башкими е веројатно најпријатното изненадување на стартот на сезоната во Првата лига. Новиот прволигаш...
Автор makfudbal
