Челси тргна фуриозно, постигна и водечки гол преку Кристијан Пулишиќ, а потоа и не искористи уште неколку шанси, пред се Тимо Вернер. Потоа Реал Мадрид израмни со голот на Карим Бензема и вопостави рамнотежа во мечот.
Менаџерот на Челси, Томас Тухел, смета дека неговиот тим можел многу работи да разреши на самиот почеток.
„Имам впечаток дека можевме многу брзо да го решиме двомечот. Имавме навистина одлични неколку шанси, ако реализиравме барем уште една, ќе беше тоа голем шок за противникот. Вака, тие израмнија и тоа дефинитивно не беше фер резултат по првото полувреме. Сега не очекува тежок и неизвесен реванш во Лондон. Реал Мадрид е премногу квалитетен и искусен тим за така лесно да го отпишеме“, изјави Томас Тухел.
