Бугарскиот прволигаш ЦСКА Софија е во завршни преговори со Сефер Емини, кој во првиот дел од сезоната играше на позајмица во Македонија Ѓорче Петров, а притиска и за трансферот на напаѓачот Дориан Бабунски од Ботев Враца.
Емини имаше забележителни настапи за „лавовите“ откако пристигна на позајмица од рускиот Акрон, a Бабунски во првиот дел од сезоната во Бугарија се наметна како еден од најдобрите стрелци.
ЦСКА Софија по есенската полусезона се наоѓа на втората позиција на табелата во Бугарија со 40 бода, два помалку од лидерот Лудогорец.
