Цел ден на пат кон Гибралтар – Валон Етеми им се приклучи на фудбалерите во Малага (ФОТО)

Македонската фудбалска репрезентација денеска има целодневно патување од Бугарија до Гибралтар каде в недела ќе го одигра вториот натпревар од новиот циклус во Лигата на Нации. Националниот тим пред малку слета во Малага, а сега го очекува патување кон крајната дестинација, Гибралтар.

На аеродромот во Малага на составот на Благоја Милевски му се приклучи и Валон Етеми кој го пропушти првиот натпревар поради тоа што со Истанбулспор играше бараж за пласман во турската лига.

Националниот тим ова издание на Лигата на нации го почна со ремито 1-1 на гостувањето кај Бугарија, следува мечот со Гибралтар, а потоа на 9. и на 12. јуни има две домашни задачи, против Грузија и против Гибралтар.