Тројца навивачи на навивачката група „Шверцери“ се приведени во полициска станица по големиот инцидент што се случи на прекинатиот натпревар меѓу Шкупи и Шкендија на Чаир. Домашните фанови влетаа во теренот по водечкиот гол на Шкендија и ги нападнаа гостинските фудбалери.
Од Министерството за внатрешни работи велат дека тројца се приведени и ќе работи на расчистување на случајот.
Фудбалската федерација на Македонија донесе одлука да го регистрира натпреварот со службен резултат (0-3) за Шкендија, која се пласира во полуфиналето на Купот, а стадионот Чаир е суспендиран. Случајот е предеден на Дисциплинската комисија на ФФМ која се очекува сериозно да го казни Шкупи.
