Триумф на Болоња и на Удинезе, половина час за Несторовски (ВИДЕО)

Болоња стигна до триумф (2-1) над Фиорентина по промената на тренерската позиција. „Виолетовите“ дојдоа во водство со голот на Лукас Мартинез во 54.минута. Сепак, Болоња брзо реагираше и направи пресврт. Муса Бароу во 59.минута израмни, а три минути подоцна Марко Арнаутовиќ се погрижи за комплетен пресврт.

Удинезе славеше против Сасуоло со 1-3, а Илија Несторовски одигра безмалку половина час. Бето беше двоен стрелец за Удинезе, а погоди и Лазар Самарџиќ. Лече и Монца ремизираа 1-1.