Тричковски донесе победа за АЕК Ларнака (ВИДЕО)

Македонскиот репрезентативец Иван Тричковски ја надмина повредата и повторно стрела на Кипар. Тој донесе триумф за АЕК Ларнака на дуелот против Анортозис. Напаѓачот ја погоди мрежата на противникот во 75.минута од мечот откако одлично се снајде во противничкиот шеснаесетник.

Тој во 86.минута местото на теренот му го препушти на Даниел Мојсов, а Стефан Спировски го одигра првото полувреме во тимот на АЕК Ларнака.