Македонскиот прволигаш Гостивар одлучи да направи промени по последниот пораз на тимот од Македонија ЃП (3-0). Тренерот Мурат Дабан заминува од клубот, исто како и досегашниот спортски директор Абдула Егилмез. Тие го плаќаат данокот на лошите резултати што го има тимот во досегашните седум првенствени кола.
Гостивар има шест порази, а единствено победи против Работнички на домашен терен.
На утрешниот куп-натпревар против Беласица, во улога на играч и тренер ќе биде турскиот интернационалец Алпер Потук, а најавите од Гостивар се дека клубот во најбрз рок ќе именува нов шеф на стручниот штаб, најверојатно од странство. Останатите членови на стручниот штаб остануваат дел од клубот.
