Тренерот на Црвена Звезда, Владан Милојевиќ со солзи радосници го дочека крајот на натпреварот против Бодо/Глимт и триумфот од 2-0, со кој српскиот првак се пласира во групната фаза во Лигата на шампионите.
„Можам да кажам дека ми преовладаа емоциите затоа што неизмерно го сакам овој клуб. Нашата голема цел беше да се пласираме во групите од Лигата на шампионите, напорно работевме за тоа, и на крајот успеавме да го оствариме“, изјави Милојевиќ по големиот триумф.
Водство за српскиот шампион од 1-0 донесе Бруно Дуарте од пенал во 26. минута, а на 2-0 зголеми Урош Спајиќ во 59. минута со удар со глава по одличниот центаршут на Елшник.
Последните две места во Лигата на шампионите ги пополнија Лил кој загуби од Славија Прага со 2-1, но ја задржа предноста од 2-0 од првиот меч во Франција, како и Слован Братислава која по ремито 1-1, вечерва со 3-2 го совлада Митјиланд.
