Трап: Освојување на трофејот во Лига Европа е убаво колку и сексот

Ајнтрахт Франкфурт ја освои Лигата на Европа по подоброто изведување пенали против Ренџерс. Во 120 минути мечот заврши 1-1, а потоа Арон Ремзи се покажа како трагичар за Шкотите.
Неговиот удар од белата точка го спречи германскиот голман Кевин Трап, кој се претвори во победнички херој. Претходно Трап брилијантно го одбрани ударот на Рајан Кент во продолжението и со тоа дефинитивно ја заслужи титулата херој.

„Мислев дека ќе плачам, но тоа не се случи. Навистина е нереално што си одиме дома со трофејот. Ова е одлично за германскиот фудбал. Мислам дека претседателот на клубот организираше некаква прослава. Не знам дали се согласувате со мене, но освојувањето на овој трофеј е подобро од сексот. Дефинитивно е нешто толку убаво како сексот“, изјави Трап.

За да се добие вистинска слика за изјавата на Кевин Трап, негова партнерка е прекрасниот модел Изабел Гулар. Можеби таа и ќе се „подналути“ дека сега има конкуренција во пехарот од Лига Европа.