Новиот турски шампион Трабзонспор не се откажува од намерата да го ангажира македонскиот репрезентативец Езгјан Алиоски. Овој клуб беше упорен да го ангажира левиот бек и при неговото заминување од Лидс Јунајтед, но Алиоски сепак ја одбра понудата на Ал Ахли и замина во Саудиска Арабија.
Алиоски одигра одлична сезона и таму, избран е во тимот на сезоната во Саудиска Арабија, па повторно е цел на Трабзонспор. Сега за настапите во Лигата на шампионите.
Македонскиот репрезентативец постигна шест гола и подели осум асистенции и постави нов рекорд за ефектот на еден бек во саудискиот фудбал. Тој има уште една сезона од договорот со Ал Ахли, но постои можност и за враќање во Европа.
