Баер Леверкузен именуваше нов тренер. „Фармацевтите“ разгледуваа повеќе кандидати, но на крајот се одлучија за Каспер Хјулманд.
По брзата и неочекувана разделба со Ерик тен Хаг, одлука донесена поради незадоволителни резултати и проблеми со работната етика – клубот мораше да реагира и да најде ново решение за клупата. Иако во игра беа и позвучни имиња, раководството се реши за искусниот дански стратег.
Хјулманд не е непознато име за Бундес-лигата, во сезоната 2014/15 беше тренер на Мајнц. Претходно и потоа ја водеше Лингби, имаше успешен период во Нордсјеланд, а од 2020 година беше и селектор на Данска.
