Македонскиот шампион Шкендија е во завршни подготовки за своето деби во групната фаза од Конференциската лига на УЕФА.
Актуелниот првак за овој историски настап претстави нов комплет дресови. За разлика од минатогодишниот модел, овојпат покрај традиционалните црвено-црни детали, на ракавите се додадени и бели елементи, со што изгледот добива свежина и поинаков карактер.
Тетовци ќе ја започнат европската авантура на 2 октомври со гостување против Рајо Ваљекано, додека првиот меч на домашен терен ќе го одиграат на 23 октомври против ирскиот Шелбурн.
