Тотенхем и Ливерпул ремизираа (2-2) во Лондон, а од тоа најмногу профитираше Манчестер Сити кој сега има три бода предност пред „црвените“ на врвот на табелата во Премиер – лигата. Ливерпул не можеше до триумф, со оглед дека последните петнаесетина минути ги играше со играч помалку поради исклучувањето на Енди Робертсон.
Хари Кејн во 13.минута го доведе Тотенхем во водство, а израмни Диого Жота во 35.минута. Ливерпул дојде и до пресврт со голот на Енди Робертсон во 70.минута, но само четири минути подоцна повторно израмни Хјонг Минг – Сон.
Потоа следеше и исклучувањето на Робертсон, па ривалите ги поделија бодовите.
