Тотенхем успешно ја стартуваше групната фаза во Лига Европа откако на домашен терен го совлада Карабах со 3-0. Англискиот премиерлигаш уште во осмата минута остана со фудбалер помалку со оглед дека директен црвен картон доби Драгушин.
Сепак, веќе во 12.минута Бренан Џонсон донесе предност за домаќинот.
Карабах имаше неколку шанси за израмнување, но не успеа да ги реализира, па на почетокот на вториот дел Папе Сар зголеми на 2-0 во 52.минута.
Бајрамов не реализира пенал за Карабах во 58.минута, а до крајот Соланке постигна трет гол за Тотенхем и донесе убедлив триумф.
