Македонскиот прволигаш Тиквеш ја совлада Слога Виница со 3-0 на пријателскиот натпревар во Кавадарци. Тимот на Ѓорѓи Мојсов покажа дека е поквалитетен, а тоа беше ефектуирано и со три гола.
Александар Мишов беше двоен стрелец, а еден од головите беше навистина прекрасен. Погодок постигна и Едиз Спахиу.
Следниот пријателски натпревар Тиквеш ќе го одигра на 24 јануари против Брегалница во Штип.
Пријателски натпревар одиграа и Тетекс и Беса, а славеше тимот на Љупчо Марковски со 2-1. Стрелци на головите беа Давид Спасоски и Мики Митров.
