Освојувачот на Купот, тимот на Тиквеш, славеше триумф од 2-0 против шампионот на Косово, Балкани, на пријателскиот натпревар во Охрид.
Стрелци на головите за кавадарчани беа Бразилецот Робертињо во 71.минута и Александар Вареловски во 90.минута.
Очигледно дека составот на Ѓорѓи Мојсов полека влегува во потребната форма во пресрет на премиерниот настап во квалификациите од Конференциската лига. Прв ривал таму ќе му биде Брејдаблик од Исланд.
