Шпанскиот прволигаш Реал Сосиедад го загуби најдобриот играч Давид Силва до крајот на оваа година. Тој ги скина вкрстените лигаменти на левото колено.
Легендарниот фудбалер на Манчестер Сити и на шпанската репрезентација го напуштил тренингот на Реал Сосиедад поради тешка повреда на вкрстените лигаменти. Лекарите открија дека Силва најверојатно ќе го пропушти првиот дел од претстојната сезона, а на терените би требало да се врати дури во 2024 година.
Давид Силва (37) минатата сезона одигра 38 натпревари и имаше ефект од три гола и седум асистенции во дресот на Реал Сосиедад. Тој е клучна алка во средниот ред на тимот.
