Покрај големата победа против Рајо (1-2) на „Ваљекас“ по шест години чекање, во таборот на Барселона никој не беше расположен за славје, а сè поради она што се случи во судиското продолжение.
Младиот Марк Бернал претрпе тешка повреда на коленото по дуелот со Иси, а првите прогнози воопшто не се добри и дури укажуваат дека младиот играч од средниот ред на Барселона ќе биде надвор од теренот најмалку девет месеци и за него сезоната е завршена.
Му соопштија дека е крај, го прегрна Ханси Флик и замина во солзи.
„Никој во соблекувалната не е среќен. Повредата на Бернал не изгледа добро. Мораме да ги почекаме тестовите“, рече Ханси Флик.
„Првото полувреме не беше добро, не вршевме пресинг како што требаше и изгледавме лошо. Во второто се поправивме и на крајот победивме. Ја заслуживме победата, замените ни овозможија да изгледаме подобро во вториот дел од натпреварот. Сега би бил посреќен ако ја немаше повредата на Бернал. Вака, не сум среќен“, истакна тренерот на Барселона.
